ياااااااااه
من ايام الدراسة وانا بدور على ستايل جديد شيك للمدونة
او على مصمم ويب يكون بيصمم ( ببلاش طبعا :D )
لقيت استايل افضل من اللي كان مرسوم في دماغي
كان في حاجة بس في دماغي عاوزها .. مش موجودة هنا
بس مش مشكلة
انا مكنتش طمعان في ربع كده اصلا
احمدك واشكرك يارب
شكر خاص وكبير جدا جدا جدا للاستاذ حسام عامر ( صاحب مدونة شلوت مزدوج )
واخيرا
جاري تظبيط الاستايل الجديد
عشان في شوية حاجات خاصة بمدونة شلوت مزدوج ( زي الاقسام اللي فوق )
وعشان كمان عاوز ارجع شوية حاجات من اللي كنت حاططها الاول
بس مش هظبط الحاجات دي النهاردة عشان قايم دلوقت
اسيبها لبعدين
بس انا مبسووووووووووط :D
ملحوظة : اكتر عيب في الاستايل الجديد ان مبقاش في شريط علوي اروح منه على لوحة التحكم على طول .. يعني كل اما اعوز اكتب موضوع جديد او اظبط حاجة في المدونة هاتلخم ..... ايييييييه ياللا كله بييجي بالتعود :D
TOP
7 استعبطوا معايا:
جميل التصميم الجميل يابنى
:)
مبروك
مبروك التصميم الجديد
يا رب يكون وشه حلو عليك
ويبعد عنك حبايبك الحلوين
لا .. ليك حق تتبسط يا احمد ؛)
بجد جميله اوي ماشاء الله ... ربنا يجعلها بقى فاتحة خير عليك ... وتكتب فيها حاجات اجمل من اللي قبلها ....
بس بردو مقدرش اشوف كدا واسكت ... عندك الصورة بتاع كفــــايـــــه ... ممممممممم يعني يعني مش حلوة ... ملخبطه مع اللي جمبها
وكمان ملحوظه تانيه ... عندك الصفحه عريضه اوي ... لو تبقى مساحتها مظبوطه بدون ما يظهر شريط التحريك للجمب .. فاهمني ...
يارب مكنش نكدت عليك ... :)
بس بجد مبرووووك عليك
:) :)
مبروك يا سيدي ع التصميم
وخد بالك المدونة شالوت مزدوج
ممكن تتأذي يا كنج
تقبل مروري
شوفلى استايل فوق البيعة معاك يابنى ينوبك ثواب فيا :P
ده أنا زى بنتك برضو :P
مبروك يا قملاوى .. متنساش ترش بقى قبل ما تركب الإستايل .. حاكم الحشرات ماتسيبش حد فى حاله :)
حسام .. رامي .. آية مصعب .. بي شكرا لكل اللي ردوا
نردهالكم في الافراح يا جماعة ان شاء الله
بي : دوري ف جوجل على قوالب للمدونات او blogger templates او استايلات للمدونات ... الخ
دا لو بتدوري على استايل ببلاش .. ولو عاوزة حاجة خاصة بيكي يبقي تبحبحيها شوية .. يعني بتاع 100 جنيه ولا حاجة .. او ربنا يرزقك بحد ابن حلال زيي
الأخ مصعب صلاح
أنا بقالي شهرين بغز في حسني وإبنه وكلابه ودلاديله
ولله الحمد والمنة أنا لازلت حي أرزق
الجبن مرض عضال يا أخي وهو بكل أسف متأصل في نفوسنا بشكل غريب والمشكلة إن الجبناء دائما يريدون أن يجبروا غيرهم على أن يكونو جبناء مثلهم حتى لا ينفضحو بين الناس بجبنهم
أدعوك وأدعو كل عاقل للثورة على الجبن والخنوع
وتحياتي للجميع
إرسال تعليق