كانت هفوة عابرة مرت كنسمة طائرة لفحت دماغ العبد لله بشذاها وشظاها فقرر – ولأول مرة – أن يستغل أجازة الصيف فيما يفيد
كانت الفكرة على رأسي من الغرابة بمكان .. اذ انني اعتدت على مدار عمري المديد أن تمر أجازة الصيف في التهليس والتهييس مع قليل من الاشياء المفيدة التي لا تكون الا بأوامر عليا
وكنت أمر بتلك الملصقات التي تحث على استغلال اجازة الصيف في تعلم صنعة او اتقانها او اكتساب هواية مفيدة ... الخ مروري بملصقات ايديال زانوسي ؛ لن احتاج اليها يوما ، فليست الا ثمة منظر روتيني يملأ الجدران وما كنت احسب أن احد يأبه لها من الاساس
المهم أنني قررت أن يكون لي نشاطا مفيدا في هذا الصيف
وكان من ضمن ما لفحت به الهفوة اياها دماغ العبد لله ان قرر – تدعيما لحب القراءة ورغبة في اقتراف المزيد منها – الاشتراك في مكتبة ، وقد عقدت النية لذلك في غضون العام الدراسي الغير مأسوف عليه ، وأبرمت ما يلزم لذلك من معاهدات واتفاقيات مع السيد الوالد ، وكان تأثير تلك الهفوة من الطموح والجموح بمكان حتى أني قد وطدت العزم على الاشتراك في مكتبة الاسكندرية
وهل هناك احسن من مكتبة الاسكندرية ؟ حيث النظافة والنظام والتطور والحداثة والتكييفات في عز الحر والأبهة والمنجهة ، يكفي فقط أن اتفاخر فأقول اني عضو في مكتبة الاسكندرية ذات التاريخ العريق وثاني اكبر مكتبة في العالم – بعد مكتبة الكونجرس الامريكي –
بيد أني يا سادة لما ولجت مكتبة الاسكندرية – وكنت من قبل حتى ديسمبر الماضي محسوبا على مكتبة النشء فيها التي تضم حتى 16 سنة غير أن الاحوال تغيرت الآن فلما ولجت – ولأول مرة – مكتبة الكبار – او قاعة الاطلاع كما يسمونها – وجدت أن حظ لغتي العربية من الكتب فيها لا يكاد يتجاوز الـعشرة في المائة من اجمالي الكتب
ثم ان معظم هذه الـ10% هي كتب من قبيل البيان والتبيين و شرح ابن عقيل لألفية ابن مالك او عن التكنولوجيا والنانو تكنولوجي وعلوم الفضاء وعلاقة دودة الاسكارس بمذنب هالي الشهير ؛ ولأن الدكتور احمد زويل لم يتنازل لي عن منصبه بعد فقد صرفت النظر عن مسألة الاشتراك في مكتبة الاسكندرية حتى اشعار آخر
لا انكر بالطبع ان مكتبة الاسكندرية بها ما يشبع حاجتي من القراءة ويفيض ولكن لا اخفيكم خبرا ان كل هذا الزحام من الكتب التي لا تلزمني بيعمل للواحد لبخة برضه .. مع أنه يصلح أيضا منظرا للفشخرة أن تقرأ وسط هذا العدد الهائل من ارفف الكتب
ثم كان اتجاهي بعد ذلك الى قصور الثقافة وواسيت نفسي أن القراءة في قصر الثقافة أفضل – حيث لا زحام من الكتب – وجوها اكثر ملاءمة بخلاف الجو السياحي المحيط بالمكتبة
واستشرت والدي – حيث أنه سكندري او كان كذ لك قبل تعيينه منذ زمن في البحيرة ومن ثم استقراره فيها – سألته عن قصور الثقافة بالاسكندرية فأخبرني أن ثمة قصر ثقافة هناك يدعى قصر ثقافة الحرية هو اكبر قصور الثقافة هناك .. وبالطبع أخبرني عنوانه
كانت الفكرة على رأسي من الغرابة بمكان .. اذ انني اعتدت على مدار عمري المديد أن تمر أجازة الصيف في التهليس والتهييس مع قليل من الاشياء المفيدة التي لا تكون الا بأوامر عليا
وكنت أمر بتلك الملصقات التي تحث على استغلال اجازة الصيف في تعلم صنعة او اتقانها او اكتساب هواية مفيدة ... الخ مروري بملصقات ايديال زانوسي ؛ لن احتاج اليها يوما ، فليست الا ثمة منظر روتيني يملأ الجدران وما كنت احسب أن احد يأبه لها من الاساس
المهم أنني قررت أن يكون لي نشاطا مفيدا في هذا الصيف
وكان من ضمن ما لفحت به الهفوة اياها دماغ العبد لله ان قرر – تدعيما لحب القراءة ورغبة في اقتراف المزيد منها – الاشتراك في مكتبة ، وقد عقدت النية لذلك في غضون العام الدراسي الغير مأسوف عليه ، وأبرمت ما يلزم لذلك من معاهدات واتفاقيات مع السيد الوالد ، وكان تأثير تلك الهفوة من الطموح والجموح بمكان حتى أني قد وطدت العزم على الاشتراك في مكتبة الاسكندرية
وهل هناك احسن من مكتبة الاسكندرية ؟ حيث النظافة والنظام والتطور والحداثة والتكييفات في عز الحر والأبهة والمنجهة ، يكفي فقط أن اتفاخر فأقول اني عضو في مكتبة الاسكندرية ذات التاريخ العريق وثاني اكبر مكتبة في العالم – بعد مكتبة الكونجرس الامريكي –
بيد أني يا سادة لما ولجت مكتبة الاسكندرية – وكنت من قبل حتى ديسمبر الماضي محسوبا على مكتبة النشء فيها التي تضم حتى 16 سنة غير أن الاحوال تغيرت الآن فلما ولجت – ولأول مرة – مكتبة الكبار – او قاعة الاطلاع كما يسمونها – وجدت أن حظ لغتي العربية من الكتب فيها لا يكاد يتجاوز الـعشرة في المائة من اجمالي الكتب
ثم ان معظم هذه الـ10% هي كتب من قبيل البيان والتبيين و شرح ابن عقيل لألفية ابن مالك او عن التكنولوجيا والنانو تكنولوجي وعلوم الفضاء وعلاقة دودة الاسكارس بمذنب هالي الشهير ؛ ولأن الدكتور احمد زويل لم يتنازل لي عن منصبه بعد فقد صرفت النظر عن مسألة الاشتراك في مكتبة الاسكندرية حتى اشعار آخر
لا انكر بالطبع ان مكتبة الاسكندرية بها ما يشبع حاجتي من القراءة ويفيض ولكن لا اخفيكم خبرا ان كل هذا الزحام من الكتب التي لا تلزمني بيعمل للواحد لبخة برضه .. مع أنه يصلح أيضا منظرا للفشخرة أن تقرأ وسط هذا العدد الهائل من ارفف الكتب
ثم كان اتجاهي بعد ذلك الى قصور الثقافة وواسيت نفسي أن القراءة في قصر الثقافة أفضل – حيث لا زحام من الكتب – وجوها اكثر ملاءمة بخلاف الجو السياحي المحيط بالمكتبة
واستشرت والدي – حيث أنه سكندري او كان كذ لك قبل تعيينه منذ زمن في البحيرة ومن ثم استقراره فيها – سألته عن قصور الثقافة بالاسكندرية فأخبرني أن ثمة قصر ثقافة هناك يدعى قصر ثقافة الحرية هو اكبر قصور الثقافة هناك .. وبالطبع أخبرني عنوانه
وقد كان ان ذهبت للقصر المنشود حسبما وصف لي ابي وهناك التقاني موظف على الباب وبكل بساطة أخبرني ان المطلوب للاشتراك هو فقط " صورتين وصور بطاقة " استبشرت ببساطة الامر .. غير أني تذكرت امرا حسبته هينا وهو عند الحكومة عظيم وهو أني لم استخرج بطاقة بعد – رغم اكمالي لسن استخراجها منذ ستة اشهر – فأخبرت الموظف بذلك وأخبرته أني سأحضر صورة بطاقة والدي وكنت اخبره ظانًا ان الموضوع " مش هيفرق " ولكني اخبرته وخلاص ، غير اني فوجئت بالموظف بكل ما جُبِل عليه موظفي الحكومة من تعنت وبيروقراطية أن المطلوب هو بطاقتي شخصيا ولا تصلح لذلك أي بطاقة أخرى ايا كانت
استغربت للامر وبقليل من التأمل في الامر وصل استغرابي لحد الذهول فسألته " طب والاطفال اللي عاوزين يقروا يافندم؟" فأخبرني ان الاطفال الموهوبين في الرسم وخلافه من النشاطات الفنية " بتجيبهم لـ مش عارف مين كده لتنمية مواهبهم "
ازداد ذهولي واخذت تدور بخلدي اسئلة عن اولئك الموهوبين اذا ارادوا القراءة بخلاف تنمية الموهبة هل هو مسموح لهم ام ممنوع ؟ وماذا عن غير الموهوبين اصلا لو ارادوا القراءة ؟ بل ماذا عن غير الاطفال اصلا ، وتحديدا اولئك الـ"شُحُطَة" الذين تتراوح اعمارهم بين الثانية عشرة والسادسة عشرة ؟ ماذا لو قرر احدهم – على الاقل عملا بنصائح ماما سوزان – القراءة والاشتراك في احد قصور الثقافة ؟ هل تصبح قصور الثقافة في بلادنا حافزا لقصور الثقافة ؟ هل هذا هو حال الثقافة في عهد الوزير الفنان فاروق حسني ؟ كيف يريد هذا الرجل ان يمسك بزمام اكبر منظمة ثقافية في العالم ؟ هل هذه هي دعوات ماما سوزان للمكتبات و"القراءة للجميع " ؟ هل تخلت الحكومة عن دورها في تشجيع الثقافة عمليا وتنشئة شباب مثقف ؟ هل اصبح لزاما على الشاب باغي الثقافة أن يلجأ لشراء الكتب ذات الاسعار الباهظة والتي يفكر الف مرة قبل شراءها لحساب مدى تأثير ذلك على جيبه – خاصة في ظل احوال الناس المادية حاليا -؟ ام أن الحكومة تريدنا أصلا شعب غير مثقف ؟ أنت تعلم أنه من الصعب جدا – ان لم يكن من المستحيل – تعويد احد ما على عادة – خاصة اذا كانت عادة يعتبرها المجتمع ثقيلة كالقراءة – في سن السادسة عشرة ومافوقها ، فالمرء يشيب على ما شب عليه .. ربما ؛ ولم لا ؟ اليست القراءة كما نعلم خطر على الانظمة المستبدة ؟
كل ذلك طاف بذهني فقط بالطبع ولم أناقشه مع الموظف ، فلم اشأ أن ادخل مع الرجل في جدل بيزنطي عقيم خاصة وانا موقن أنه ليس له من الامر شيء وقد يكون نافد الصبر فيثور في وجهي ، او على احسن تقدير – ان كان طويل البال – فأقصى ما سيفعله أن يبدي أسفا وتعاطفا وامتعاضا و"معلش"
وربما انهى المناقشة معي ببرود متهما اياي بتكبير الموضوع على الفاضي كما سيتهمني معظم قارئي هذا الكلام – سواء اعلنوا عن اتهامهم هذا في الردود ام اكتفوا بترديده في داخلهم –
ولكن – معلش سامحني – انا ارى ان وزير الثقافة الذي يمنع قصور الثقافة لمن هم دون السادسة عشرة – مدعما بذلك قصور الثقافة – هو مجرم في حق الثقافة ( اراكم تتهمونني مرة اخرى بالتهويل ولكن بتهويل الحكم على الرجل هذه المرة )
عموما فقد تركت الموظف بالطبع وآثرت السلامة فقررت عدم إثارة المزيد من الاحباط والحزن والغضب في صدري بإثارة المزيد من تلك الهواجس والتساؤلات ومضيت في طريقي .. في قلبي مرارة ، وفي حلقي غصة ، وعلى شفتاي ابتسامة أبت الا أن تخرج ساخرة من حكومة أصبحت ترفع شعار " القراءة للجميع " وتطبق شعار " القراءة للكبار فقط "
استغربت للامر وبقليل من التأمل في الامر وصل استغرابي لحد الذهول فسألته " طب والاطفال اللي عاوزين يقروا يافندم؟" فأخبرني ان الاطفال الموهوبين في الرسم وخلافه من النشاطات الفنية " بتجيبهم لـ مش عارف مين كده لتنمية مواهبهم "
ازداد ذهولي واخذت تدور بخلدي اسئلة عن اولئك الموهوبين اذا ارادوا القراءة بخلاف تنمية الموهبة هل هو مسموح لهم ام ممنوع ؟ وماذا عن غير الموهوبين اصلا لو ارادوا القراءة ؟ بل ماذا عن غير الاطفال اصلا ، وتحديدا اولئك الـ"شُحُطَة" الذين تتراوح اعمارهم بين الثانية عشرة والسادسة عشرة ؟ ماذا لو قرر احدهم – على الاقل عملا بنصائح ماما سوزان – القراءة والاشتراك في احد قصور الثقافة ؟ هل تصبح قصور الثقافة في بلادنا حافزا لقصور الثقافة ؟ هل هذا هو حال الثقافة في عهد الوزير الفنان فاروق حسني ؟ كيف يريد هذا الرجل ان يمسك بزمام اكبر منظمة ثقافية في العالم ؟ هل هذه هي دعوات ماما سوزان للمكتبات و"القراءة للجميع " ؟ هل تخلت الحكومة عن دورها في تشجيع الثقافة عمليا وتنشئة شباب مثقف ؟ هل اصبح لزاما على الشاب باغي الثقافة أن يلجأ لشراء الكتب ذات الاسعار الباهظة والتي يفكر الف مرة قبل شراءها لحساب مدى تأثير ذلك على جيبه – خاصة في ظل احوال الناس المادية حاليا -؟ ام أن الحكومة تريدنا أصلا شعب غير مثقف ؟ أنت تعلم أنه من الصعب جدا – ان لم يكن من المستحيل – تعويد احد ما على عادة – خاصة اذا كانت عادة يعتبرها المجتمع ثقيلة كالقراءة – في سن السادسة عشرة ومافوقها ، فالمرء يشيب على ما شب عليه .. ربما ؛ ولم لا ؟ اليست القراءة كما نعلم خطر على الانظمة المستبدة ؟
كل ذلك طاف بذهني فقط بالطبع ولم أناقشه مع الموظف ، فلم اشأ أن ادخل مع الرجل في جدل بيزنطي عقيم خاصة وانا موقن أنه ليس له من الامر شيء وقد يكون نافد الصبر فيثور في وجهي ، او على احسن تقدير – ان كان طويل البال – فأقصى ما سيفعله أن يبدي أسفا وتعاطفا وامتعاضا و"معلش"
وربما انهى المناقشة معي ببرود متهما اياي بتكبير الموضوع على الفاضي كما سيتهمني معظم قارئي هذا الكلام – سواء اعلنوا عن اتهامهم هذا في الردود ام اكتفوا بترديده في داخلهم –
ولكن – معلش سامحني – انا ارى ان وزير الثقافة الذي يمنع قصور الثقافة لمن هم دون السادسة عشرة – مدعما بذلك قصور الثقافة – هو مجرم في حق الثقافة ( اراكم تتهمونني مرة اخرى بالتهويل ولكن بتهويل الحكم على الرجل هذه المرة )
عموما فقد تركت الموظف بالطبع وآثرت السلامة فقررت عدم إثارة المزيد من الاحباط والحزن والغضب في صدري بإثارة المزيد من تلك الهواجس والتساؤلات ومضيت في طريقي .. في قلبي مرارة ، وفي حلقي غصة ، وعلى شفتاي ابتسامة أبت الا أن تخرج ساخرة من حكومة أصبحت ترفع شعار " القراءة للجميع " وتطبق شعار " القراءة للكبار فقط "
ملحوظة - او اعتبروها اضافة - : بعد ما كنت كتبت الموضوع ده على الورق وقبل ما انقله للكمبيوتر كنت روحت لقصر الثقافة اياه تاني قابلني موظف تاني وشه سمح كده قالي ان ده اساسا مش قصر ثقافة الحرية وان قصر الثقافة تمشيله قدام كده على نفس امتداد الشارع ده هتعدي التقاطع وتلاقيه على ايدك اليمين .. مشيت بتاع اتنين كيلو والحالة قحط ومفيش حتى سراب قصر ثقافة رجعت وسألت كل الناس في المنطقة قالولي ان ده - مشيرين بأيديهم للي انا كنت فيه من الاول - هو قصر ثقافة الحرية ومفيش غيره هنا اصلا ، رجعت للموظف ابو وش سمح فقالي بوشه السمح كلام كده ما معناه ان ده مش قصر ثقافة الحرية بس هو فعلا قصر ثقافة الحرية - مش عارف ازاي بس انا فعلا احترت من كلامه ومابقيتش عارف هو ده قصر ثقافة الحرية ولا لا - وبكل السماحة اللي في وشه السمح قالي ان برضه لازم بطاقتي الشخصية عشان اشترك
على فكره وشه كان سمح و بشوش فعلا مش تريقة .. وطبعا وشه السمح ده هو اللي خلاني اصدقه وامشي اتنين كيلو ع الفاضي .. اصل وشه سمح
***
للتوضيح : كلمة قصور اللي باللون البرتقاني مقصود بيها النقص او عدم الكفاية .. وذكرها مع كلمة قصور الثقافة ( جمع قصر ثقافة ) حاجة كده مش عارف اسمها في البلاغة .. تقريبا نوع من انواع الجناس .. فذلكة وخلاص يعني
شبه توارد افكار : اقرأ - ضروري - عند محمد حمدي ( الوزير الغير فنان ) الموضوع - بالاضافة لروعته - فيه شوية صور نادرة وقديمة لفاروق حسني
22 استعبطوا معايا:
أسلوبك جميل أوى يا أحمد
بس انت ممكن تقرا أى حاجة اون لا ين
السلام عليكم
ايه يا عم أحمد انت هتعمل لنا مشاكل ولا ايه ؟
ماما سوزان قالت :- القراءة للجميع
اصدقك ولا اصدق ماما سوزان
تقبل مروري
موضوعك رائع .. وشكرا على الاشارة للبوست عندى
تحياتى
ميدو :
بعض مما عندكم .. انا عارف اني ممكن اقرا اي حاجة اون لاين بس دا لا يضاهى ابدا بمتعة قراية الكتب من الكتب نفسها .. ثم حتى لو انا عندي كل الكتب هل دا مبرر للي هما بيعملوه ده ولالغاء دور الحكومة ؟
انا باسأل عن دور الحكومة
مصعب
الحكومة - زي القطنة - مابتكدبش
خليك مع ماما سوزان طبعا
مش كفاية انها كانت بتطلع مع بكار في الاعلان
محمد
العفو .. دا اقل واجب
نورت
والله الواحد ماعارف يضحك على اسلوبك ولا يعيط على الواقع
افتكر مره رحنا مكتبة اسكندريه وكان معانا بنت خالو صغيره يمكن في اولى اعدادي وكانو رافضين يدخلوها تماما بس على مين بالعافيه طبعا دخلناها لأنها مكنتش هتقعد برا لوحدها والحقيقه البنت مدخلتش بقدرتنا لكن دخلت بسبب واحده ست كدا كانت واقفه تبع المكتبه وقالتلها اعملي نفسك كبيره وحوار كدا ودخلتها
المهم ان دي فعلا مشكله .. وزي ما قلت يا احمد في فرق كبير جدا لما تقرأ الكتاب من النت ولما تقرأه وانتا نايم ع السرير ولما تقرأه وانتا في مكتبه ....؛)
وعموما انا اشجعك على ابداء اعتراضك على الموضوع دا للسلطات العليا >> الاخت سوزان مبارك ...
بس انا مفهمتش انتا لغيت ليه موضوع مكتبة اسكندريه .؟!! هل عشان البطاقه ..!!
وعموما لو فعلا عايز تعمل حاجه في الاجازة دي هتلاقي حاجات كتيره اوي تعملها
واتمنى انك تدعوا اصحابك للقراءه كمان
تحياتي ليك يا احمد على فكرك الكويس وان شاء الله ربنا يوفقك للخير
ويااااااااريت تشيل تأكيد الكلمة عشان مزعجة :)
اهلا A.A.S
مساء العملاء السريين
ياريت لو عندك ايميل ماما سوزان عشان ابلغها بالموضوع
والله انا باقترح ماما سوزان تواكب العصر وتنزل ع الساحة وتنازل منى الشاذلي وتعمل برنامج للامهات والعيال
بس مش هينفع يبقى العاشرة ويخلص بعد حداشر
نخليه برنامج الثالثة احسن بعد العيال ما ييجو من المدارس ويتغدو
لغيت مكتبة اسكندرية عشان زحمة الكتب .. هي المكتبة فيها اللي انا عاوزه وزيادة طبعا بس زي ما قلت زحمة الكتب دي بتعمل لخمة .. رغم ان في نظام هناك وكمان منظر القاعة المهيب بالعدد المهول للكتب جميل جدا لكن اساسا جو المكتبة سياحي ومعظم روادها بيبقو بيعملوا ابحاث للمدارس والجامعات مش بيدخلوا بغرض القراية
انا معرفش اصلا ان البطاقة كمان مطلوبة بس لو مطلوبة يبقى نركن موضوع المكتبة دلوقت لحد ما تطلع بطاقة
انا قررت اطلعها خلاص اصلا ان شاء الله
ادعيلي بجد استغل الاجازة دي كويس واستفاد منها اهي عدى منها 20 يوم من غير فايدة ربنا يبارك في بتوع قصر الثقافة رفعو معنوياتي .. بس في مشروع تاني ضمن خطة استغلال الاجازة جاري تنفيذه ان شاءالله
اخيرا
هو تأكيد الكلمة ده بيتشال منين ؟
انا معرفش انه عندي اصلا لأنه مش بيظهر لي
احمد ربنا انك جنب مكتبه فى قصور ثقافه
اما عندنا فى الاكاليم
فاكبر حاجه ممكن تعملها ثقافيا انك تشترى جرنال
ويا حبذا لو كان مستقل او معارضه
بس اكتر من كده متحلمش
واحمد ربنا انك فاضى فى الاجازه
انا ببقى فاضى فى الدراسه بس
والاجازه شغل
مانا من الاكاليم برضه يا روميو
بس الصيف دوت ناوي ان شاء الله اخد كورس لغة ( انجليزي ) في اسكندرية
فـ كنت عاوز استغل الايام بتاعته في اي حاجة
والحمد لله على كل حالد
نورت
بس بقى يا ولدى عندنا هنا فى البلد فى قصر ثقافة عندما ملوا ترميمة
وحياتك ما عملوها الا مرة
قلبوة عشة فراخ
وخلى الناس تاكل قراءة اية
علية العوض ومنو العوض
المهم انك رجعت
منو بتتكتب بالواو برضه يا جاهل .. اسمها منه ... قصر الثقافة بتاعكم ده بيفكرني بمركز الشباب اللي في التجربة الدانماركية .. او مركز شباب الحاجة سميحة اللي عند انا جعان
ربنا معانا
ههههههههه لا هجبلك رقمها شخصيا احسن ؛)
طيب ابدأ بقى في نشاطاتك :) وموضوع الكورس دا كويس اوي ... يارب بس تستفيد ويكون الموضوع جدً
على فكره انتا ممكن بردو تخصص يوم تزور في مستشفى او دار ايتام ....
وربنا يوفقك يارب وان شاء الله الاجازة دي تبقى احسن من غيرها ويارب كل مشاريعك ناجحه
ان شاء الله
دعواتك لينا بس
:D
انا عن نفسى مبقتش اشترى
وتقريبا مبقتش اقرا اصلا غير الجرنال بالعافيه
ويعنى شوية حاجات قليله ع النت كده
وربك بيكرم :)
مش كفاية خالص ياعايش :D
نورت
موضوع ممتع يا أحمد..
بغض النظر عن مواضيع المكتبات دي، لأنك ببساطة مهما حاولت هتيأس...
وحكاية إن المكتبات الكبيرة تلخم دي عندك حق قوي فيها.. الواحد مش بيعرف يقرا إيه، وفي النهاية ميقراش حاجة.
بالمناسبة ابقى شوف سؤالي في هلموا لنستعبط سويا يا قوم
سلام
ايأس ليه .. البطاقة خلاص هتطلع كمان خمس ايام اهيه واروحلهم احط صباعي في عين التخين هناك .. مش هتفرق معايا بقا وش عكر من وش سمح
المكتبات الكبيرة بتخلي الواحد يحتار في اختيار الكتاب اكتر ما يقرا الكتاب نفسه
على فكرة
انا اسف اني اتأخرت في الرد عليك هنا .. لأني لما شفت ردك ده روحت اشوف سؤال اللي في مربع الشات ونسيت ارد على الرد نفسه
تصدق انك فكرتنى باللى خلانى مروحش المكتبة تانى
اصل احنا المكتبة فيها قاعتين
قاعة للاطفال ((اللى هما احنا))و قاعة للكبار ((اللى هما احنا برده بس السنة الجيه))
و قاعةالصغار دى تضم من سن 3 الى 15 (سبحان الله)
و كل اما افتح كتاب الاقيه بيقول ايا اطفلنا الحلوين
طبعاً ما حبتش اروح المكتبة الا علشان اصحابى
و احب احييك على هذا البوست الجميل الذى شدنى الى قراءته الى النهايه
و شكراً.....
اهلا يا قطقوطة
موضوع عدم مراعاة السن ده موضوع رخم جدا فعلا .. 15 سنة مش عيال اوي عشان تكون مكتبتهم كلها بكار وارسم ولون
ثم ان انا اول مرة ف حياتي اصلا امع عن مكتبة بتجمع من سن 3 لحد 15
افترا افترا يعني
بس المفروض انهم يراعو على الاقل سن زوار المكتبة ..
هي مكتبة ايه بالمناسبة ؟
نورتي المدونة وسعيد بوجودك ومتشكر جدا لاطرائك
هى طبعاً قاعة الصغار تضم ارفف من 3ل6
و ارفف من 7ل10 و ارفف من11ل15
و المكتبة هى (مكتبة مبارك)
انا مشترك في مكتبة مبارك دمنهور على فكرة .. بس تقسيم السن
اطفال تحت 10 سنين
شباب من 10 لحد 15
كبار فوق ال15
إرسال تعليق