كان الجو ربيعا والشمس ساطعة والزهور يانعة وطبقة الأوزون أعلنت انسحابها – مثل الطبقة المتوسطة – امام طبقة السحابة السوداء والجرائد القومية مستمرة في نشر باب صدق او لا تصدق حينما كانت عائلة الأستاذ عبد الجليل تستعد للخروج في يوم الأجازة السبعون بعد المائتين من العام الجديد(1) ، أخرهم عن خروجهم ( جل ) شعر الابن الأكبر ، وميك أب الابنة ، واصرار الجنين المتكون حديثا في بطن الأم على الذهاب للتصويت بنعم في الاستفتاء الجديد على تفصيل الدستور .
انتهى كل شيء تقريبا ؛ بل تماما فلقد عثر حازم – أحد الابنين الصغيرين – اخيرا على فردة ( الفوتبول ) الضائعة
وإذا غضضنا الطرف عن تلف تسريحة شعر احمد – الشحط الكبير – نتيجة التدحرج على السلمة المكسورة فيمكننا اعتبار أن العائلة الكريمة خرجت من العمارة بدون خسائر
انتهى كل شيء تقريبا ؛ بل تماما فلقد عثر حازم – أحد الابنين الصغيرين – اخيرا على فردة ( الفوتبول ) الضائعة
وإذا غضضنا الطرف عن تلف تسريحة شعر احمد – الشحط الكبير – نتيجة التدحرج على السلمة المكسورة فيمكننا اعتبار أن العائلة الكريمة خرجت من العمارة بدون خسائر
***
الصراع الاستراتيجي الأزلي للسيطرة على قناة السويس بين كافة القوى المتمركزة في المنطقة هو نتيجة طبيعية لموقع الشارع المتميز – حيث تمر به جميع اتوبيسات القتل العام – وبسبب كذلك الأوضاع الاقتصادية المتدهورة التي تسود المنطقة نتيجة للأزمة المالية السحلبية حيث لا يستطيع أحد شراء سيارة خاصة او حتى ركوب تاكسي ، ناهيك عن شيوع مبادئ العولمة الحديثة التي أسسها رئيس الحي الراحل ( صفيحة المفتري ) والتي تنص على أن " كله بتاع كله " و " بلدنا بتتقدم بينا بس وسعوا السكة شوية والنبي ياخوانا " و " اجري يابن آدم جري الوحوش يا تلحق الميكروباص يا متلحقوش "
هذا كله أدى لنشوب الصراع اليومي بين أهالي " شارع الرمش اللي يدخله ما يتحرمش " وشارع " كل واشكر " وشارع " الأشية معدن " بالإضافة طبعا لشارع قناة السويس نفسه ، ولوقوع أبطالنا في شارع " الأشية معدن " فقد شكلوا قوة لا يستهان بها في الصراع الأممي(2) ولكن لكون اليوم أجازة فقد أعلنت حالة السلام العالمي – حيث تعلن الحرب في أيام العمل والدراسة لتضييع الوقت بناءا على اتفاقية جمعية الأمم المتحدة(3)
***
شمر الأب عن ساعديه ، ورفع أحمد بنطلونه – الساقط - ، و كور حازم قبضتيه واطلقت الأم صيحة نفير وأكدت هناء – الابنة – على انضباط خصلة شعرها المدلاة حينما أنبأهم محمود – توأم حازم – من فوق عمود النور بقدوم الاتوبيس
وفي مشهد يذكرك بهجوم جيوش (الهون ) في كارتون ( مولان ) الشهير اندفع أهالي الشوارع الأربعة نحو الاتوبيس بمجرد ظهوره ، كل يبغي ولو صامولة - في عرض النبي - يتشعبط فيها
ولكثرة عدد ابطالنا وبسالتهم فقد تمكنوا – تقريبا – من الشعبطة في الاتوبيس السابع والعشرون ونظرات حسد الأهالي تلاحقهم " ولاد المحظوظة دول بيركبوا بدري كل مرة "
وفي مشهد يذكرك بهجوم جيوش (الهون ) في كارتون ( مولان ) الشهير اندفع أهالي الشوارع الأربعة نحو الاتوبيس بمجرد ظهوره ، كل يبغي ولو صامولة - في عرض النبي - يتشعبط فيها
ولكثرة عدد ابطالنا وبسالتهم فقد تمكنوا – تقريبا – من الشعبطة في الاتوبيس السابع والعشرون ونظرات حسد الأهالي تلاحقهم " ولاد المحظوظة دول بيركبوا بدري كل مرة "
***
- ألو .. أيوة يا أحمد انت فين دلوقت يابني ؟
- انا خلاص وصلت بر الأمان يابابا .. فاضلي تلاتة وعشرين واحد بس واوصل للبتاعة اللي بيمسكوا فيها دي .. انتو عاملين ايه ؟
- احنا خلاص قربنا منك .. انا ابتديت اشم ريحة شرابك من هنا اهوه
- ربنا يكون في عونكم .. وحازم عامل ايه ؟
- معلقينه مع الخمسة اللي ع المراية بره
- ومحمود ؟
- لا حودة مستريح خالص .. قاعد مع تلتاشر واحد بس ع الرفرف .. ماتخافش انت وخد بالك من نفسك بس
- بيس يا بابا .. سلاموز ناو
- انا خلاص وصلت بر الأمان يابابا .. فاضلي تلاتة وعشرين واحد بس واوصل للبتاعة اللي بيمسكوا فيها دي .. انتو عاملين ايه ؟
- احنا خلاص قربنا منك .. انا ابتديت اشم ريحة شرابك من هنا اهوه
- ربنا يكون في عونكم .. وحازم عامل ايه ؟
- معلقينه مع الخمسة اللي ع المراية بره
- ومحمود ؟
- لا حودة مستريح خالص .. قاعد مع تلتاشر واحد بس ع الرفرف .. ماتخافش انت وخد بالك من نفسك بس
- بيس يا بابا .. سلاموز ناو
***
رغم توتر الأمور واشتعالها في المنطقة فقد استطاع احمد بصعوبة وبسالة منقطعة النظير أن يحفر نفقا يمر من تحت المعبر البشري استطاع ان ينقل عبره الشنطة التي تحملها الأم ويضعها أمام أحد الكراسي غير عابئ بشجب وادانة الكومساري الذي أخذ يقول أن هناك اتفاقية سلام بين الجانبين وأن تهريب الشنطة يخضع لأجندة خارجية فأبدى الأب اعتراضه مفندا شبهة الكومساري حيث أن الأجندة دي بتاعت السنة اللي فاتت أصلا انما السنة دي بيكتبوا في كشكول وبالأمارة مسطر موضوع الدرس
وكان أحمد قد استطاع من خلال النفق – بعد نضال مرير – أن يفسح مكانا لأقدام أمه واخته قبل أن يقصف النفق نهائيا بصاروخ من ماركة ( الحاجة فكرية السمدوني ) فيم بقى والده مع الثلاثة والأربعون الممسكة أياديهم الطائرة أجسادهم على جانبي الأتوبيس
***
رغم إصرار أحمد على أنه لم يقرب الحاجة فكرية إلا أنها أصرت على أن ابن المتضايقة ده ماترباش .. بيتحرش بيا ابن الوسخة
واحمد يتوسل :
- يا حاجة ارحميني دانتي رجل في الآخرة والرجل التانية برضه في الآخرة
- وحياة أمك مانا سايباك فاكرني نايمالك يابن الفرخة الدايخة
لم يحرك أحد من الركاب ساكنا فقد أصبحت اتهامات التحرش مألوفة لهم بصورة يومية أضف الى هذا رعبهم من الحاجة فكرية ، ناهيك عن هول الموقف الذي هم فيه – من زحام الاتوبيس – والذي يجعل كل انسان حتى اهله يقول " نفسي نفسي "
وحينما رفعت الحاجة فكرية يدها عاليا لتصفع أحمد أطاحت بأربعة من المتطايرين خارجا ثم أمرت السائق بالتوقف عشان تسحب ابن الكلب دا ع المركز
واحمد يتوسل :
- يا حاجة ارحميني دانتي رجل في الآخرة والرجل التانية برضه في الآخرة
- وحياة أمك مانا سايباك فاكرني نايمالك يابن الفرخة الدايخة
لم يحرك أحد من الركاب ساكنا فقد أصبحت اتهامات التحرش مألوفة لهم بصورة يومية أضف الى هذا رعبهم من الحاجة فكرية ، ناهيك عن هول الموقف الذي هم فيه – من زحام الاتوبيس – والذي يجعل كل انسان حتى اهله يقول " نفسي نفسي "
وحينما رفعت الحاجة فكرية يدها عاليا لتصفع أحمد أطاحت بأربعة من المتطايرين خارجا ثم أمرت السائق بالتوقف عشان تسحب ابن الكلب دا ع المركز
***
مضى أحمد الى المركز تجره الحاجة فكرية " انجر يابن المتضايقة " تصحبه نصائح الأب " اسمع يا احمد خد اول تهمة يلبسوهالك وماتقاوحش عشان تعيش .. انت يابني لسه صغير ومادخلتش دنيا " ودعوات الأم " الهي يكفيك شر ابو كف عريض بحق جاه النبي .. قادر كريم يارب .. ياضنايا يابني " ودموع الأخت " اهئ اهئ "
***
- انقلاب اتوبيس ركاب يحمل 743 راكبا من أعلى كوبري الطلعة الجوية
- نائب من نواب المعارضة يقدم استجوابا لوزير النقل بسبب حادثة الاتوبيس
- وزير النقل يتعهد بإعادة ترميم وتطوير الكوبري في خلال العشر سنوات المقبلة حفاظا على أرواح المواطنين
- الرئيس يعلن حزنه وأسفه للحادث المروع ويتضامن مع الشعب في كلمته : فلتصمت .. احم .. فلتصمد يا شعب مصر العظيم .. يا صاحب حضارة السبعة آلاف عام فلتصمـ...ــد أيها الشعب وانت عارف .. " الله جاب .. الله خد .. الله عليه العوض "
___________________
(1) وكما قال شكسبير : الأجازات لا تأتي فرادى كالجواسيس بل كتائب كتائب
(2) صراع أممي : مصطلح استراتيجي دولي يعني في النظم العسكرية والسياسية الدولية أن تبدأ المعركة بالشردحة بين أم فلان وأم علان كتمهيد للقتال بين أبي فلان وأبا علان.
(3) جمعية الأمم المتحدة : جمعية أسستها أم أشرف وأم اسلام وأم زينب وأم هشام بجنيه وربع في اليوم على أن يكون القبض كل شهر
16 استعبطوا معايا:
انا باتمشى فى اخر الدنيا وقلت اعدى عليك لقيتك رائع كعادتك ...
انا عايز اشترك فى جمعية ام اشرف دا اولا وتانيا وحد البنط فى خطك عشان ما اتكعبلش فيه ...وبلاش الالوانات الكثيرة
وربنا يقويك وتنزل من الاتوبيس وتوصل بيتكم بالسلامة
جميلة أوي بس واضح انك بتذاكر :)
جميلة كالعادة
هاقول ايه أحسن كاتب ساخر ف التدوين هيكون ايه؟
بس اظبط الخط
تقبل مروري
استاذ سال
مافيش اروع من مرور وتواجد حضرتك والله يافندم وحقيقي انا اسعدني ردك
وام اشرف بتقولك " عند امه يا ادهم "
البنط انا عامله حجم واحد اما اللون فانا مغير لون بعض العبارات لتمييزها بس اللي هي زي اقتباسات او باختصار الحاجات المحطوطة بين علامتين تنصيص
ميدو
لسه جاي حالا اهوه من امتحان
والله ياباشا خسارة فيه المذاكرة
ياريت كل الامتحانات كده
مصعب
بطل بكش يا معفن
بخصوص الخط انا رديت على ا/سال فيه
ممكن تبعتلى رقم تليفونك او ميلك فى كومنت على مدونتى؟ انا عامل مودريشن ومش هنشر التعليق
تحياتى
محمد حمدي
انا لقيت التعليق منشور فعلا !!!
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039
هههههههههههههههههه
جامدة جداً و الله
---
سمعت عن القطر بتاع إسكندرية اللي مشي لوحده ;)
البلد دي كل حاجة ماشية فيها لوحدها اصلا
بفضل توجيهاته يطول عمره ويزهزه عصره ويبارك في شلوط سيادته اللي بيقدم البلد للامام :D
يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039
اسلوبك الساخر يا أحمد ديما بيعرض المشاكل ويتعرض لها بطريقة ممتعة متخليش الواحد يمل..
غير ان فعلا الحاجات اللي بتحصل دي مهازل..
بالمناسبة.. أظن في حد سارق منك حاجة:
http://hamsat.nice-forums.net/montada-f5/topic-t5843.htm
ده بدور على مدونتك هنا لقيته..
سلام
سماعين حبيب قلبي
متشكر جدا على مرورك الرائع
بخصوص السرقة يظهر ان الراجل مغرم بالعبد لله لدرجة انه يسرق الكلمة الاستفتاحية
بيفكرني بعضوة في منتدى صاحب امبر عدد اعضاء في المنتديات العربية مرة سرقت توقيعي من قهوة كتكوت بتاع " هلموا لنستعبط سوية يا قوم خمسة استعباط و انا اتعلمت القراية واتعلمت الكتابة واخيرا بقا عندي ورقة وقلم "
فاكر التوقيع ده
العضوة سرقته وعملته موضوع خاص هناك
شفت الولع وصل لحد فين
بس من غباءها نسيت تشيل الروابط من الكلام
تاني يوم لقيت حوالي تلاتين زيارة للمدونة من المنتدى
مكنتش عارف اشكرها ازاي بصراحة
بس كويس ياراجل بيطمنوني والله
يعني انا وصلت لمستوى سرقة المواضيع
دانا بقيت جامد على كده :D
وااااااااااااء
ماليش دعوة..
عاوز اتسرق انا كمان :D
لا هو في ناس "عبط" قوي كده؟!
(عبط هنا مقصود بها بيحبوا مدونتك خمسة استعباط مش المعنى التاني!).
يعني حتى التوقيع ده يسرقوه؟!
شكلهم أي حاجة يشوفوها يسرقوها ويعملوها موضوع، من غير ما يقروا.. حتى لو شافوا حد كاتب :"أنا حمار"، هيقوموا نقلنيها في موضوع :D
مش بيقولك مراية الحب عميا :D
إرسال تعليق