حاجة لذيذة خالص
جرنال صوت الأمة آخر عدد بيقول ان مرتب الريس الف جنيه بس !!!!
شوف الغلب يا ولداه
والله الراجل مكحرت* نفسه عشاننا ياعيني
لا وشوفو بقا الصورة اللي فوق دي كمان
الراجل مش لاقي حتة ينام فيها
شفت التقشف
فعملوله مشروع قومي عشان يسكنوه ف أي حتة
عزيزي المواطن
ايها الشعب العظيم
تعاطفك لوحده مش كفاية
اتبرع ولو بطوبة ( تحدفها عليه مش تحطها ف بيته :D )
________________________
ملحوسة : عارف ان المشروع اسمه اصلا مشروع مبارك القومي لإسكان الشباب
لكن ذكاء مسئولي حتتنا - زي مسئولي اي حتة - نضح شوية يظهر حبوا يتفذلكوا ولا مكانوش حافظين اسم المشروع ف بالفهلوة كده خلوه مشروع قومي لإسكان مبارك
* يعني ايه مكحرت دي .. مش فاكر معناها سمعتها فين بس لو عرفت ابقا قولي :D
16 استعبطوا معايا:
يا ابا روح ذاكر :P
يا بني إرحم و الله كنت هنفجر من الضحك
ده أنا صوتي جاب الأوضة التانية و ماما سمعتني و الساعة دلوقتي 4 الفجر
قولي أبرر موقفي إزاي ؟؟؟
فكرتني بالنكتة بتاعة الريس مخطوف و العصابة بتطالب يا إما تجيبوا 20 مليون جنية يا إما هتحرقه بجاز ديرتي
و طبعاً الشعب مسكتش عملوا حمله بيلمو ربع جنيه من كل مواطن
عشان يشتروا الجاز للعصابة
ههههههههه . والله يااحمد احنا عندنا ناس عباقره . فعلا الراجل المناسب فى المكان المناسب
ياقلبى ياابنى
ماعندوش حته ينام فيها
طيب ربنا يكرمك
جلبى اتجطع
والله الريس غلبان
ولازم ندفع له
وأن هاعمل حملة
هاجيب صورته والف على كل مواطن يتف عليها ويدفع ربع جنية
ونديلوا الفلوس
هيبقى أغنى واحد
تقبل مروري
ميدو :
نحن قوم لا تهزنا الرياح العاتية
فكيف بورقة كتب عليها اجب عن الاسئلة الآتية :P:P:P:P
شروق
فاكرها فاكرها الحملة دي
انا دفعت مصروف اسبوع بحاله :D
هو انتي عاملة زي عيد العمال كده ليه
بتيجي كل سنة مرة
احمد العجمي :
اكيد ياباشا احنا بنحط كل حد ف مكانه
احنا بقالنا سبعتلاف سنة حضارة
يعني خبرة برضه
جيجي :
تعاطفك لوحده مش كفاية
فين الطوب:D
مصعب :
انت ياض مش كنت اعلنت الرحيل
وبعدين تديله الفلوس ليه انت كمان
انت اديله الصور :d
الى حضرة جناب السيد مخبر قمل دولة
ممتعة هى مدونتك ...وما دمت طالب ثانوى
ومع كل هذا التمييز اذا النظام التعليمى عندنا اخر حلاوة؟؟؟ لانى ارى اسلوبا ساخرا يذكرنا باحمد رجب ومحمد وعفيفى وغيرهم من المبدعين ...
بجد... بجد... والله انت هايل
الى حضرة جناب السيد مخبر قمل دولة
ممتعة هى مدونتك ...وما دمت طالب ثانوى
ومع كل هذا التمييز اذا النظام التعليمى عندنا اخر حلاوة؟؟؟ لانى ارى اسلوبا ساخرا يذكرنا باحمد رجب ومحمد وعفيفى وغيرهم من المبدعين ...
بجد... بجد... والله انت هايل
الى حضرة جناب السيد مخبر قمل دولة
ممتعة هى مدونتك ...وما دمت طالب ثانوى
ومع كل هذا التمييز اذا النظام التعليمى عندنا اخر حلاوة؟؟؟ لانى ارى اسلوبا ساخرا يذكرنا باحمد رجب ومحمد وعفيفى وغيرهم من المبدعين ...
بجد... بجد... والله انت هايل
أديني جيت مرة تانية أهو
أتطورت بقيت عيد الفلاح :))
كنت عايزة أقول حاجة
لما دخلت دلوقتي أفتكرت أنا سمعت مكحرت دي فين قبل كدة
أول مرة سمعتها في فيلم صعيدي في الجامعة الأمريكية
استاذ/ة ( سال )
يافندم دا من ذوق حضرتك والله
وانا فعلا يشرفني انك تحط اسمي جنب عتاولة الأدب الساخر دول
حقيقي شرفتني زيارتك ربنا ما يحرمني منك
شروق تاني
هو عيد الفلاح بييجي كام مرة في السنة
المهم انك بس ماتبقيش عيد الطلعة الجوية
يمكن جات في فيلم صعيدي
حاولت افتكر بس ماعرفتش برضه
اصلي ماسمعتوش غير مرة واحدة من اول ما طلع وكنت لسه صغنون
بس الكلمة دي لازقة ف دماغي وخلاص
سواء م الفيلم او من حد تاني
ماتبقي تشوفي معناها بالمرة ؟
إرسال تعليق